Saakashvili Gruziyadagi muxolifatchilarni "taslim bo‘lmaslikka" chaqirdi

Gruziyaning sobiq prezidenti Mixail Saakashvili mamlakatga qanday shartlarda qaytishini ma'lum qildi.

"Kerak bo‘lishim bilan, meni chaqirishingiz bilan Gruziyaga qaytaman va maqsadimizga erishish uchun sizlar bilan birgalikda kurashaman", — dedi u Tbilisi markazida yig‘ilgan muxolifat tarafdorlariga Skype orqali murojaat qilib.

Saakashvili Gruziyaning bunday holatiga qarab turolmasligini aytdi.

U shuningdek, saylovda mag‘lub bo‘lgan nomzod Grigol Vashadzening tarafdorlarini "taslim bo‘lmaslikka"va "oxirigacha kurashishga" chaqirdi.

Avvalroq Gruziyada bo‘lib o‘tgan prezident saylovida Salome Zurabishvili g‘alaba qozongandi. Uning raqibi Grigol Vashadze muxolifat saylov natijalarini tan olmasligini bildirdi va barchani manifestatsiya o‘tkazishga chaqirdi.