To‘pponcha bilan qurollangan 71 yoshli pensioner Bolgariya prezidenti Rumen Radev qabulxonasiga bostirib kirdi. Bu haqda BTA axborot agentligi xabar berdi.
Ta'kidlanishicha, erkak prezident ma'muriyati xodimlariga do‘q-po‘pisa qilgan. Voqea 3 dekabrda yuz bergan.
Jandarmeriya xodimlari erkakni qo‘lga olishgan va hozirda uni buni qilishga undagan sabablarni aniqlashtirishmoqda.
Radevning o‘zi ish joyida bo‘lmagan. U bu payt BMTning iqlim masalalari bo‘yicha anjumani o‘tayotgan Polshada bo‘lgan.