Ukraina tashqi ishlar vaziri Rossiyaga qarshi «eng yaxshi sanksiya»ni ma'lum qildi

Ukraina Tashqi ishlar vazirligi rahbari Pavel Klimkin aynan nima Rossiya tomoniga qarshi «eng yaxshi sanksiya» bo‘lishi mumkinligini aytdi. Bu haqda «Yevropa haqiqati» yozmoqda.

Vazirning so‘zlariga ko‘ra, Kerch bo‘g‘ozidagi hodisa munosabati bilan faqat Rossiya floti va sohilni qo‘riqlash xizmati rahbariyatiga qarshi sanksiya cheklovlarini joriy etish mumkin emas. 

«Biz «Shimoliy oqim - 2»ni to‘xtatish kerakligi haqida gapirgandik. Aynan shu Rossiyaga qarshi eng yaxshi sanksiya bo‘ladi», - dedi Klimkin.

Uning qo‘shimcha qilishicha, boshqa mamlakatlar portlarini Rossiya kemalari uchun yopib qo‘yish imkoniyati ham muhokama qilingan. Shu bilan birga, Klimkinning bildirishicha, ro‘y bergan hodisa yuzasidan Rossiyaga qarshi aniq choralar kelgusida muhokama qilinishi kerak.

Eslatib o‘tamiz, avvalroq Poroshenko Rossiya qanday holatga tushib qolganini aytgandi.

Ukraina prezidenti Pyotr Poroshenko ICTV telekanali efirida ma'lum qilishicha, Rossiya «total yakkalatib qo‘yilgan» holatda, Ukraina esa, aksincha, xalqaro arenadagi «faol o‘yinchi» hisoblanadi.