Bosh prokuratura: Farg‘onada pirotexnika vositalarining noqonuniy savdosiga chek qo‘yildi

Foto: Bosh prokuratura matbuot xizmati

Bosh prokuratura huzuridagi Departamentning Farg‘ona viloyat boshqarmasi xodimlari tomonidan DXX va IIB xodimlari bilan hamkorlikda tezkor tadbir o‘tkazildi.

Unda fuqarolar Sh.A., I.T. va M.O‘.lar jami 3360 qutidagi «Mikkimaus-Treniya» nomli hamda 50 dona «Xlopushka» nomli pirotexnika vositalarini fuqarolar Sh. va B.larga 2100 AQSh dollariga sotgan vaqtda ashyoviy dalillar bilan ushlanganlar.

Mazkur holat yuzasidan fuqarolar Sh.A., I.T. va M.O‘.larga nisbatan O‘zbekiston Respublikasi Jinoyat kodeksining 250-1-moddasi 2-qismi «b» bandi bilan jinoyat ishi qo‘zg‘atilib, tergov harakatlari o‘tkazilmoqda.