Germaniya AQShning Suriya bo‘yicha «kutilmagan qarori»dan hayratdaligini bildirdi

GFR Tashqi ishlar vazirligi Vashingtonning Suriya bo‘yicha "yo‘nalishining kutilmaganda o‘zgarishidan" hayratda ekanligini bildirdi.

"Amerika tomonining yo‘nalishi kutilmaganda o‘zgarishi faqat biz uchungina kutilmagan holat bo‘lmadi. IShID uloqtirib tashlandi, ammo tahdid yo‘qolgani yo‘q", deyiladi GFR TIV rahbari Xayko Maasnin bayonotida.

Chorshanba kuni AQSh prezidenti Donald Tramp Suriyada IShID ustidan g‘alaba qozonilganini ma'lum qildi. Keyinroq Oq uy matbuot kotibi Sara Sanders AQSh Suriyadan qo‘shinlarini olib chiqib keta boshlaganini xabar qildi.