Birga biznes qilish bahonasida tanishini 140 mln so‘mga aldab ketgan shaxs ushlandi

2018 yil 20 dekabr kuni Xorazm viloyatining Urganch shahar IIBga tushgan hujjatlarga ko‘ra, shu yil iyun oyida Andijon viloyati Shahrixon shahrida yashovchi A.Z., tanishi S.I. (ayol)ga ishlab chiqarish sexi borligini va sovun mahsulotlarini yetkazib berishini aytgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu shaxs aldov yo‘li bilan undan jami 140 mln so‘m pulini olib ketgan.

Ko‘rilgan choralar natijasida A.Z. ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.