Qozog‘istonda avtobus yo‘lovchilari bo‘lgan O‘zbekiston fuqarolari qutqarildi

Qozog‘istonning Aqmola oblastida mintaqa favqulodda vaziyatlar departamenti xodimlari tomonidan avtobusning 53 yo‘lovchisi evakuatsiya qilindi, ular yordam haqida so‘rashgan. Bu haqda «Kazinform» xabar bermoqda.

2018 yil 24 dekabrdan 25 dekabrga o‘tar tunda ob-havo yomonlashgani sababli, «Petropavlovsk-Sariog‘och» yo‘nalishida harakatlangan va Burabay tumani yonida turib qolgan avtobus yo‘lovchilari Aqmola oblasti favqulodda vaziyatlar departamentiga o‘zlarini isitish punktiga joylashtirish to‘g‘risida iltimos bilan murojaat qilishgan.

«Salonda 53 yo‘lovchi bor edi, ularning ko‘pchiligi - O‘zbekiston fuqarolari. Ular Kenesari qishlog‘idagi maktabga joylashtirildi», - dedi Aqmola oblasti favqulodda vaziyatlar departamenti bosh mutaxassisi Duman Daleshov.

Yo‘lovchilardan hech kim jabrlanmagan, ularning barchasi oziq-ovqat va yotoq bilan ta'minlandi.