Toshkent viloyatining Parkent tumanida 2018 yil 27 dekabr kuni Parkent tumani IIB profilaktika inspektori, xizmat vaqti va xizmat kiyimida bo‘lgan M.Ch. chaqiruv asosida “Navdak” MFYda yashovchi M.S.ning uyiga borgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu vaqtda uy egasi Majburiy ijro byurosining Toshkent viloyati Parkent tumani xodimi K.D. bilan o‘zaro janjallashayotganligi sababli uni tartibga chaqirib, mahalla fuqarolar yig‘ini idorasiga olib bormoqchi bo‘lganida, M.S. ichki ishlar organlari xodimining qonuniy talablariga bo‘ysunmay, boshi bilan uni yuziga urib jarohat yetkazgan.
Natijada xodimga kasalxonada tibbiy yordam ko‘rsatilgan. M.S. qo‘lga olinib, holat yuzasidan surishtiruv ishlari olib borilmoqda.
