Hokimning xalq deputatlari Kengashi raisi sifatidagi maqomini bekor qilish yuzasidan chora-tadbirlar dasturi ishlab chiqiladi

«Faol investitsiyalar va ijtimoiy rivojlanish yili» Davlat dasturi loyihasida hokimning xalq deputatlari Kengashi raisi sifatidagi maqomini bekor qilish ko‘zda tutilmoqda.

Loyihaga ko‘ra, 2019 yil 1 dekabrgacha amaliy chora-tadbirlar dasturi ishlab chiqiladi.

Dasturda hokimning xalq deputatlari Kengashi raisi sifatidagi maqomini bekor qilish bilan bog‘liq tashkiliy masalalar va ushbu masala yuzasidan amaldagi qonunlarga tegishli o‘zgartirishlar kiritish nazarda tutiladi.

«Faol investitsiyalar va ijtimoiy rivojlanish yili» Davlat dasturi loyihasi jamoatchilik muhokamalari 2019 yilning 15 yanvariga qadar o‘tkazilishi rejalashtirilgan.