Strategik tarmoqlarda bosqichma-bosqich islohotlarni amalga oshirish rejalashtirilmoqda

«Faol investitsiyalar va ijtimoiy rivojlanish yili» Davlat dasturi loyihasiga ko‘ra, neft-gaz, temir yo‘llari, havo yo‘llari, kimyosanoat, energetika, kon-metallurgiya va boshqa shu kabi strategik tarmoqlarda bosqichma-bosqich islohotlarni amalga oshirish rejalashtirilmoqda.

Unga muvofiq, normativ-huquqiy hujjat loyihasi ishlab chiqiladi.

Loyiha bilan “O‘zbekneftgaz”, “O‘zkimyosanoat”, “O‘zbekiston temir yo‘llari”, “O‘zbekiston havo yo‘llari”, “O‘zbekenergo” AJlari, Navoiy kon- metallurgiya kombinati va shu kabi strategik korxonalarni bosqichma-bosqich isloh qilinadi. 

Xususan:

“O‘zbekneftgaz” AJ negizida infratuzilmaviy korxonalarni davlat ixtiyorida qoldirib, raqobat mavjud bo‘lgan sohada faoliyat ko‘rsatayotgan korxonalardagi kompaniya ulushini bozor qiymatida auksion orqali investorlarga sotish;

“O‘zbekiston temir yo‘llari” AJ tarkibidan transport - ekspeditorlik, vagon tashuvlarni xususiy sektorga berish hamda temir yo‘l vokzallari va temir yo‘l infratuzilmasining boshqa obektlarini boshqarishni davlat-xususiy sheriklik va autsorsing asosida xususiy sektorga berish ko‘zda tutiladi.

«Faol investitsiyalar va ijtimoiy rivojlanish yili» Davlat dasturi loyihasi jamoatchilik muhokamalari 2019 yilning 15 yanvariga qadar o‘tkazilishi rejalashtirilgan.