Davlat rahbari Shavkat Mirziyoyev Mirzo Ulugbek Innovation Center rezidentlarini O‘zbekistondagi islohotlarga jalb qilish haqida topshiriq berdi. Bu haqda Spot prezident tomonidan imzolangan farmonga asosan xabar qilmoqda.
Xususan, mamlakatda raqamli iqtisodiyotni rivojlantirishning ustuvor yo‘nalishlaridan biriga «Elektron hukumat» sohasi va «Raqamli O‘zbekiston-2030» dasturi doirasidagi loyihalarga rezidentlarni majburiy jalb qilish aylandi.
Bundan tashqari, MUIC rezidentlari bundan buyon ushbu dasturlar doirasida loyiha bajaruvchilarini tanlashda ustuvorlikka ega bo‘ladi.
Eslatib o‘tamiz, avvalroq Loyiha boshqaruvi milliy agentligi faoliyati yanada takomillashtirilishi xabar berilgandi.
