Shvetsiya Rossiya samolyotlarini mamlakat havo kengliklariga kirganlikda aybladi

Rossiya qurolli kuchlari samolyotlari qisqa vaqtga Shvetsiya havo kengliklarini buzib kirdi, bu haqda hukumatga ma'lum qilindi, deb bayonot berdi Shvetsiya qurolli kuchlari.

"O‘n to‘qqizinchi yanvar kuni Rossiyaning Il-20 samolyoti ikkita Su-27 Flanker qiruvchi samolyoti hamrohligida Boltiq dengizi ustida parvozni amalga oshirdi. Karlsxamndan janubda Blekingda Rossiya samolyotlari beruxsat qisqa muddatga Shvetsiya hududiga kirdi", deyiladi bayonotda.

Avvalroq Rossiya mudofaa vazirligi Shvetsiyaning "Golfstrim" razvedkachi samolyoti Rossiya chegarasidagi Boltiq dengizi neytral hududi ustida paydo bo‘lgani, uni tutish uchun Su-27 qiruvchi samolyoti havoga ko‘tarilganini, xorij samolyoti hududni tark etganini xabar qilgandi.