«PSJ» hujumchisi Neymar jarohatini davolash uchun Barselonaga bordi.
26 yoshli braziliyalikni aeroportda jurnalistlar kutib olishdi va Kataloniya klubiga qaytish niyati bor yoki yo‘qligi bilan qiziqib ko‘rishdi.
Xususan, muxbirlardan biri undan: «Barselona»ga qaytish uchun har kuni qo‘ng‘iroq qilayotganingiz rostmi?», - deb so‘radi. Neymar esa jahl bilan uni so‘kib yubordi, deb xabar beradi AS.
Avvalroq, Neymar «Barselona» rahbariyatiga har kuni qo‘ng‘iroq qilib, o‘zini orqaga qaytarishni iltimos qilayotgani haqida xabarlar tarqalgan edi.
Eslatib o‘tamiz, Neymar kamida 10 hafta davomida jarohatini davolashi lozim.
