«Barselona» va «Real» 4 kun ichida 2 marta to‘qnash kelishi mumkin

Foto: Getty Images

Bugun Ispaniya Kubogining yarim finaliga qur'a tashlanadi.

Ushbu bosqichga «Barselona», «Real», «Valensiya» va «Betis» klublari yetib kelishgan. Final yo‘lidagi dastlabki bahslar 6 fevral, javob uchrashuvlari 27 fevral kunlari bo‘lib o‘tadi.

Agar qur'a «Barselona» va «Real» klublarini to‘qnash keltirsa, u holda muxlislar 4 kun ichida 2ta, 1 oyda 3ta «El-klasiko» guvohi bo‘lishlari mumkin. Prinsipial raqiblar 2 mart kuni La Liganing 26-turi doirasida «Santyago Bernabeu»da uchrashishadi.

Qur'a Toshkent vaqti bilan soat 17:30da boshlanadi.