Toshkent viloyatida 18 mln so‘m o‘g‘risi aniqlandi

2017 yil 6 oktabr kuni Toshkent viloyatining Oqqo‘rg‘on tumanida yashovchi Sh.T. (ayol) IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, u shu yil  4 oktabr kuni noma'lum shaxs uyiga ochiq qolgan deraza orqali kirib, u yerdan 18 mln so‘m pulini o‘g‘irlab ketganligini ma'lum qilgan. 

Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni Oqqo‘rg‘on tumani U.Yusupov ko‘chasida yashovchi D.Z. sodir etganligi aniqlanib, ushlandi. 

Tergov davom etmoqda, deyiladi xabarda.