8518.68 USD +5.11

9652.52 EUR +145.42

131.33 RUB +0.92

10847.7 GBP +94.20

18:14 / 02.02.2019 2408

Жаҳон банки делегацияси Тошкентни иқтисодий-ижтимоий ва инфратузилмавий ривожлантириш масалаларини муҳокама қилди 

31 январь куни Тошкент шаҳар ҳокимлиги қошидаги Жамоатчилик кенгаши вакиллари иштирокида Жаҳон банки делегацияси билан пойтахтни иқтисодий, ижтимоий ва инфратузилмавий жиҳатдан ривожлантириш масаласи муҳокама қилинди. Бу ҳақда шаҳар ҳокимлиги матбуот хизмати хабар берди.

“Меҳмонлар мамлакат ижтимоий фаровонлигини оширишда аҳолини коммунал, ижтимоий ҳамда таълим хизматлари билан таъминлаш муҳимлигини қайд этди. Жамоатчилик кенгаши вакиллари билан мулоқотда шаҳарни ривожлантириш ва маъмуриятнинг халқ билан яқинлиги муҳим аҳамиятга эга эканлиги муҳокама қилинди. Хорижлик экспертлар шаҳарни умумий ривожлантириш бўйича олиб борилаётган ишларда бошқа давлатлар тажрибасидан фойдаланиш лозимлигига эътибор қаратишди”, дейилади хабарда.

Учрашувда Ўзбекистон пойтахтининг ўзига хослиги ва уни миллий эҳтиёж ва ишлаб чиқаришнинг турли соҳаларидаги талаблар даражасидан келиб чиққан ҳолда ривожлантириш зарурлиги таъкидланди.

Жаҳон банки бутун дунё бўйлаб лойиҳаларни молиялаштириш билан шуғулланувчи ташкилот ҳисобланади. Унинг иш юритишдаги асосий тамойили ҳудудларнинг иқтсиодий ўсиш суръатини тезлаштириш ва аҳолининг барча қатламлари фаровонлигини оширишдан иборат.

 

Top