Eronda uchish uzoqligi 1350 kmni tashkil qiluvchi yangi ballistik raketa “Xuvayzo” sinovdan o‘tkazildi. Bu haqda mamlakat mudofaa vaziri Amir Hotamiy ma'lum qildi, deb xabar berdi DW nashri.
Raketa sinovi Islom inqilobining 40 yilligiga bag‘ishlangan. Shundan keyin raketa inqilobiy gvardiya deb ataluvchi qo‘shinlarga topshirilgan.
“Xuvayzo qanotli raketasi sinovi 1200 km masofada muvaffaqiyatli amalga oshirildi. Raketa belgilangan nishonga aniq tekkan. Uni oz vaqt ichida qo‘llashga tayyorlasa bo‘ladi va u juda past balandlikda uchadi”, deb aytgan Hotamiy.
Vazirning ma'lum qilishicha, raketa chetdan yordamsiz, eronlik mutaxassislar sa'y-harakatlari bilangina ishlab chiqilgan.
