OAV: Tramp gazetalar o‘qish, TV va qo‘ng‘iroqlarga ish vaqtining 300 soatini sarflagan

AQSh prezidenti Donald Trampning 2018 yil noyabrda oyida bo‘lib o‘tgan oraliq saylovlardan keyingi uch oy davomidagi ish jadvali Axios internet nashri tomonidan e'lon qilindi.

Noyabr oyining boshidan beri Tramp soat 8 dan 11 gacha aniq tuzilmagan jadvalda 297 soat vaqtini o‘tkazgan. Bu Trampning uch oy uchun ish vaqtining taxminan 60%ini tashkil etadi.

«Ijro vaqti» nomli ustunga muntazam ravishda bir necha soat ajratilgan. Rejaga ko‘ra, Tramp bu vaqt oralig‘ida Oval kabinetda bo‘lishi kerak edi. Biroq, nashrning olti manbasi so‘zlariga ko‘ra, AQSh prezidenti bu soatlar davomida Oval kabinetda o‘tirmagan. Tramp odatda ertalab soat oltidan avval uyg‘onadi.

Buning o‘rniga, Amerika yetakchisi tonggi vaqtni o‘z qarorgohida o‘tkazib, televizor tomosha qiladi, gazetalar o‘qiydi va yordamchilarga, kongress a'zolariga, do‘stlariga, ma'muriyatdagi mansabdor shaxslarga hamda maslahatchilariga yangiliklarni muhokama etish uchun qo‘ng‘iroq qiladi.

Shu vaqtdan so‘ng, Trampning eng birinchi uchrashuvlaridan biri - Oq uy apparati rahbari bilan 30 daqiqalik uchrashuv yoki razvedka uchun brifing. Odatda bu ertalabki 11 yoki 11:30da boshlanadi, deyiladi materialda.