Eron yangi ballistik raketa taqdim qildi 

Eron uchish uzoqligi ming kilometrni tashkil qiluvchi, “Dizful” deb nomlangan yangi ballistik raketasini taqdim qildi. Bu haqda Fars axborot agentligi xabar berdi.  

Taqdimot marosimi Islom inqilobi qo‘riqchilari korpusi aerokosmik kuchlari uchun ballistik raketalar ishlab chiqaruvchi yer osti zavodida korpus qo‘mondoni Muhammad Ali Ja'fariy ishtirokida bo‘lib o‘tgan.

“Marosim vaqtida “yer-yer” turidagi “Dizful” aqlli ballistik raketasi taqdim qilindi. Bu raketa parvozi ming kilometrni tashkil qiladi”, deb ma'lum qilingan xabarda.

Taqdimotda ta'kidlanishicha, Eronning mudofaa imkoniyatlari bosib turuvchi xarakterga ega va mamlakat milliy xavfsizligiga mos keladi. Shu bilan birga “Eron urush boshlash niyatida emasligi” ta'kidlab o‘tilgan. 

O‘tgan hafta Eron uchish uzoqligi 1350 kmdan oshuvchi “Xuvayzo” qanotli raketasini taqdim qilgandi. Raketa belgilangan masofani past balandlikda bosib o‘ta oladi.