Uch yil oldin avtomashina salonidan pul o‘g‘irlagan shaxs aniqlanib, qo‘lga olindi - IIV

2016 yil 17 aprel kuni noma'lum shaxs Farg‘ona viloyatining Marg‘ilon shahri Misgarlik ko‘chasida, eshiklari ochiq holda qarovsiz qoldirilgan, xususiy tadbirkor Q.S.ga tegishli «Neksiya» rusumli avtomashinasi yukxonasidan 15 300.000 so‘m pulini o‘g‘irlab ketgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, holat yuzasidan jinoyat ishi qo‘zg‘atilgan. 

Ko‘rilgan choralar natijasida ushbu jinoyatni Qo‘shtepa tumanida yashovchi Sh.M. sodir etganligi aniqlanib, ushlandi. Tergov harakatlari davom etmoqda.