Foto: Foto: Valeriy Melnikov / RIA Novosti
Xitoy Rossiyaga buyurtma bergan, ammo bo‘ronda qolgan S-400 tizimi zenit raketalari yo‘q qilindi, dedi «Rostex» bosh direktori Sergey Chemezov.
«Barchasi yetkazib berilishi lozim edi. Afsuski, halokat yuz berdi. Bu raketalarni olib ketayotgan kema bo‘ronga duch keldi. Barcha raketalarni yo‘q qilishimizga to‘g‘ri keldi»,— dedi u.
Hozirda yo‘q qilingan raketalar o‘rniga yangilari tayyorlanmoqda.
Ma'lum qilinishicha, 2017 yil dekabri oxirida S-400 raketalari yuklangan kema Ust-Lug portidan Xitoy sari yo‘lga chiqqan. Kema La-Mansh bo‘g‘ozi hududida kuchli bo‘ron ostida qolgan va unga ortilgan yuklarga zarar yetishi oqibatida kema ortga qaytgan.
