Foto: AP
AQSh davlat kotibi Mayk Pompeo Eron tashqi ishlar vaziri Muhammad Javod Zarifning iste'foga chiqishi haqidagi ma'lumotlarga izoh berdi. Bu haqda u tvitterdagi o‘z sahifasida yozgan.
Pompeoning so‘zlariga ko‘ra, Qo‘shma Shtatlar uning iste'foga chiqishi haqidagi ma'lumotga e'tibor qaratdi.
«Nima bo‘lgan taqdirda ham, u (Zarif) va (Eron prezidenti) Hasan Ruhoniy - shunchaki korrupsiyalashgan diniy mafiyaning qo‘g‘irchoq shaxslari», - dedi Pompeo.
Uning qo‘shimcha qilishicha, AQSh fikricha, qarorlar Oyatullah Xameneiy tomonidan qabul qilinadi. Pompeoning qayd etishicha, Amerika tomonining siyosati o‘zgarishsiz qoladi.
Eslatib o‘tamiz, avvalroq Eron tashqi ishlar vaziri iste'foga chiqishini e'lon qilgandi.
