Kim Chen In Tramp bilan muzokaralarni to‘xtatishi mumkinligi aytildi
Shimoliy Koreya tashqi ishlar vaziri o‘rinbosari va AQSh bilan munosabatlarga mas'ul Tsoy Son Xi Vetnamdagi sammitdan keyin Vashington bilan keyingi muloqot borasida to‘xtab o‘tdi.
Uning aytishicha, AQSh prezidenti Donald Tramp bilan ikkinchi uchrashuv Kim Chen In uchun kutganidek bo‘lmagan va u keyingi muzokaralardan voz kechishi mumkin.
Tsoy Son Xining Yonhap axborot agentligiga ma'lum qilishicha, Pxenyanning hafsalasini pir qilgan narsa yadroviysizlash bo‘yicha qadamlar evaziga AQSh sanksiyalarni qisman bo‘lsa ham bekor qilishni rad etgani bo‘ldi.
Shimoliy Koreya vakilining eslatishicha, Pxenyan bir yildan beri ballistik raketalarni uchirish va yadro qurolini sinovdan o‘tkazish bo‘yicha moratoriyga amal qilmoqda.
Tsoy Son Xining ta'kidlashicha, Kim Chen In muzokaralarda Yonbendagi yadro majmuasini buzish talabini bajarishni taklif qilgan, biroq Tramp kutilmaganda boshqa obektlarning ham demontaj qilinishini talab qilgan.
Mavzuga oid
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
14:33 / 10.09.2024
Shimoliy Koreya yadroviy salohiyatini sezilarli darajada oshiradi
22:11 / 31.08.2024
Putin Kim Chen Inga 24 bosh ot sovg‘a qildi
13:11 / 28.08.2024