Hindistonda 1 mlrd 340 mln aholi bor, Pokistonda esa 210 milliondan ortiq. Har ikki davlat eng birinçi duşman sifatida aynan öz qöşnisini biladi va ular allaqaçon jang maydonlarida kuç sinaşib körişgan. Eng muhimi, har ikki davlat hamişa şay turgan yadro qurollariga ega. Demak arzimas uçqun ham aql bovar qilmas ziddiyatlarga, bemisl talofatlarga sabab bölişi mumkin.

Olis ötmiş

Mamlakatlarning hammasi öz tarixida kim bilandir yovlaşgan, oçiq janglarga kirişgan. Yigirma birinçi asrga kelib qisman tinçlik hukm surgan bölsa-da, moziydagi alamlar hamma joyda ham unutilmagan. Ana şunday “muzlatilgan”, ammo vaqti-vaqti bilan alanga oluvçi ziddiyatlardan biri, lozim bölsa eng yirigi Hindiston va Pokiston örtasidagi mojarodir.

Bir vaqtlar Hindiston deyilganda Osiyoning juda katta qismini egallagan, nihoyatda boy mamlakat tuşunilgan. Vaqti kelib, Britaniya mustamlakasiga aylangan paytida ham uning hududi juda ulkan bölgan va zamonaviy Hindiston, Pokiston, Bangladeş, Myanma kabi davlatlarning maydoni va yana ançagina hududlarni egallagan.

Ammo juda ulkan va boy mamlakat bölişiga qaramay, Hindiston hududi doimiy uruşlar makoni ham bölgan. Uning boyligini egallaş istagida kelganlarga qarşi uruşlardan taşqari minglab roja va maharojalar bir birlari bilan ayovsiz jang qilganlar, ayniqsa bu hududda keçgan diniy ixtiloflar, xususan hind-musulmon töqnaşuvlari juda dahşatli keçgan.

Hindiston Britaniyadan mustaqillik olgan 1947 yilga kelib musulmonlar Hindistoni, ya'ni Pokiston masalasi örtaga taşlanadi. Hindistonning öşa paytdagi rahbariyati qarşiliklariga qaramay Pokiston ham ajratib olinadi.

Öşanda ulkan köçiş kuzatiladi – musulmonlar zamonaviy Pokiston hududiga, hindlar esa Hindistonga. Ammo şunga qaramay ayrimlar özlari tuğilgan hududni tark etişmaydi, xususan bugungi kunda ham Hindistonda 170 mlndan ortiq musulmonlar istiqomat qiladi va ular soni muntazam oşib bormoqda (bu faktga e'tibor bering).