Hindiston Pokistonga dori ishlab chiqarishda qo‘llanadigan xomashyoni eksport qilishni taqiqladi

Hindiston hukumati Pokistonga dori ishlab chiqarishda qo‘llanadigan materiallarni eksport qilishni noma'lum muddatga taqiqladi.

Pokistonning Samaa TV telekanalining xabar berishicha, Hindistondan Pokistonga xomashyo olib chiqilishining taqiqlanishi Pokiston farmatsevtika sanoatiga yaqin 10 kun ichida o‘z ta'sirini ko‘rsatishi mumkin. Pokiston farmatsevtika uyushmasining ma'lum qilishicha, Pokistonda dori ishlab chiqarilishida qo‘llanadigan xomashyoning 40-50 foizi Hindistondan import qilinadi. Pokiston hukumati xomashyo yetkazib beruvchi yangi hamkorlarni topishni buyurgan bo‘lsa-da, importning bunday katta diversifikatsiyasi butun tarmoqqa kuchli zarba berishi mumkin.

Oxirgi kunlarda Hindiston va Pokiston o‘rtasida keskinlik yangi kuch bilan avj olmoqda.

Tayyorlagan Шуҳрат Раҳимов

#Hindiston #Pokiston #dori

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.