Qumqo‘rg‘on tumanida ona-bola kanalga cho‘kib ketib halok bo‘ldi

Qumqo‘rg‘on tumanida 8 yoshli bola va uning onasi kanalga cho‘kib ketish oqibatida vafot etdi. Bu haqda Qumqo‘rg‘on tumani IIB xabar berdi. 

Qayd etilishicha, voqea 11 mart kuni kech soat to‘rtlarda sodir bo‘lgan. Tumanning Ulug‘bek mahallasi, Anhor ko‘chasida yashagan B.I. uyi oldidan oqib o‘tuvchi “Sherobod” kanali atrofida qo‘y boqib yurgan vaqtida bexosdan kanalga tushib ketib cho‘ka boshlagan. Uning onasi B.F. o‘g‘lini qutqarish maqsadida o‘zini suv ichiga tashlab, cho‘kish natijasida halok bo‘lgan.

Mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.