8458.16 USD +9.27

9501.05 EUR +38.29

129.74 RUB -0.07

10994.8 GBP -133.27

18:34 / 17.03.2019 11593

Роналдусиз ўйнаган «Ювентус» мавсумдаги илк мағлубиятини қабул қилди

Италия А Сериясининг 28-турида сенсацион натижа қайд этилди. Энг яқин таъқибчисидан 18 очкога илгарилаб кетган «Ювентус» Генуяда «Женоа» меҳмони бўлди ва имкониятни бой берди - 0:2.

Голларга тажрибали Горан Пандев ҳамда аслида «Ювентус» футболчиси ҳисобланадиган, жорий мавсумда «Женоа»да ижара асосида ўйнаётган Стефано Стураро муаллифлик қилди.

Бу «Ювентус»нинг Италия А Сериясининг жорий мавсумдаги илк мағлубияти бўлди.

Бунгача туринликлар охирги марта ўтган йилнинг апрелида ютқазишганди – ўшанда «Юве»ни «Наполи» мағлуб этганди (0:1).

Қайд этиш керакки, «бьянконери» сафида бу ўйинда бош мураббий томонидан дам берилган Криштиану Роналду иштирок этмади.

Бу мағлубиятга қарамасдан «Ювентус» Италия турнир жадвалидаги яққол етакчилигини сақлаб қолган. Иккинчи ўринда бораётган «Наполи» агар бу турда «Удинезе»ни мағлуб этолса, орадаги фарқни 15тага қисқартириши мумкин.

Италия чемпионати
28-тур
Женоа – Ювентус 2:0

Голлар: Стураро (72), Пандев (81).
Женоа: Раду, Зуканович, Ромеро, Кришито, Педру Перейра, Лерагер, Ролон, Радованович (Велозу, 75), Лазович (Стураро, 70), Санабрия (Пандев, 60), Куаме.
Ювентус: Перин, Алекс Сандро, Бонуччи, Ругани, Жоау Канселу (Бернардески, 60), Пьянич, Бентанкур (Спинаццола, 77), Жан, Касерес, Манжукич (Кин, 73), Дибала.
Огоҳлантиришлар: Ромеро (3), Алекс Сандро (5), Касерес (23), Пандев (82), Жан (85).

Top