Chilonzorda yo‘lovchini tunagan haydovchi va uning sherigi qo‘lga olindi

2019 yil 23 mart kuni Jizzax viloyati Do‘stlik tumanida yashovchi S.K.(ayol) Toshkent shahrining Chilonzor tumani 23-daha hududidan fuqaro S.G‘. boshqaruvidagi “Spark” rusumli avtomashinaga yo‘lovchi sifatida o‘tirgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, ular Chilonzor tumanidagi Muqimiy ko‘chasida joylashgan avtobuslar bekati oldiga yetib kelganlarida haydovchi S.G‘. va avtomashinada bo‘lgan yana bir yo‘lovchisi E.A. bilan birga S.K.ni kuch ishlatish yo‘li bilan qo‘rqitib, qo‘lidan ichida 600 ming so‘m puli hamda fuqarolik pasporti bo‘lgan sumkasini tortib olib, voqea joyidan yashiringanlar.

Ta'kidlanishicha, ko‘rilgan choralar natijasida S.G‘. va E.A.lar ushlangan. 

Holat yuzasidan jinoyat ishi qo‘zg‘atilib, tergov harakatlari olib borilmoqda, deyiladi xabarda.