O‘zbekiston Respublikasi Milliy gvardiyasi tezkor harakatlanuvchi bo‘linmalarini yuqori jangovar shaylik holatiga keltirish maqsadida Toshkent sharqiy aeroportida aksilterror operatsiyasi, shuningdek, taktik o‘quv mashg‘uloti bo‘lib o‘tdi.
Mashg‘ulotda harbiy xizmatchilar fuqarolarni ozod qilish maqsadida shartli terrorchilar o‘rnashib olgan samolyotga turli jangovar usullarda qo‘qqisdan zarba berish va ularni yakson qilish harakatlarini amalga oshirdi.
O‘quv mashg‘uloti davomida bo‘linmalarning hududga joylashishi, kuzatuv punktini jihozlash, razvedka ishlarini o‘tkazish, terrorchilar bilan muzokara olib borish, jangovar juftlik tartibida taktik manyovrlarni amalga oshirish, qo‘yilgan vazifani bajarish bo‘yicha mashqlar innovatsion yondashuvlar asosida ko‘rsatildi, deyiladi xabarda.
