23:43 / 09.04.2019
9230

MTS Turkmaniston ustidan Jahon banki xalqaro markaziga da'vo arizasi topshirdi

Foto: RIA Novosti

Rossiyaning eng yirik aloqa operatori MTS Turkmanistonga qarshi Jahon bankining investitsiyaviy bahslarni tartibga solish xalqaro markaziga kengaytirilgan da'vo arizasi topshirdi.

“MTSning ayni vaqtdagi umumiy yo‘qotishlari 1,5 mlrd dollarga baholanmoqda. MTS hakamlik sudida uni qondiruvchi natija va real kompensatsiya olmaguncha o‘z talablarini qat'iyan himoya qilmoqchi”, deyilgan kompaniya xabarida.  

MTS 2017 yil sentyabrda Turkmanistonda davlat elektr aloqa kompaniyasi “Turkmantelekom”ning xalqaro, shaharlararo va hududiy aloqa hamda internetga kirish xizmatlaridan uzishdan iborat xatti-harakatlari sababli aloqa xizmatlarini taqdim qilishni to‘xtatishga majburligini ma'lum qilgandi.

2018 yil iyulda Rossiya kompaniyasi investitsiyaviy bahslarni tartibga solish xalqaro markaziga Turkmanistonga qarshi da'vo arizasi bilan murojaat qilgan. O‘shanda da'vo summasi 750 mln dollar miqdorida ko‘rsatilgan edi.

Top