Xiaomi rahbari bonus sifatida oladigan 1 mlrd dollarni xayriya qilib yuboradi 

Xiaomi kompaniyasi asoschisi va bosh direktori Ley Tszyun yillik bonus sifatida 957 mln dollar olib, bu pullarni xayriya maqsadlariga berib yuborishni rejalashtirmoqda. 

Ma'lum qilinishicha, Tszyunga kompaniyaning sovg‘a qilingan aksiyalarining umumiy qiymati shuncha turadi. Kompaniya shu tariqa o‘z rahbarini ko‘p yillar davomida ko‘rsatgan jonbozligi uchun shunday mukofotlagan.

Avvalroq yuqoridagi summa kompaniyaning 2018 yildagi butun sof daromadidan sal kamroqligi ma'lum bo‘lgan. Kompaniya daromadi 1 mlrd 300 mln dollarni tashkil qilgan. Shundan keyin OAVda shu xususda mojaro avj olgan.