09:11 / 12.04.2019
10520
Наманганда қурилиш моллари дўкони ёниб кетди

2019 йилнинг 11 апрель куни Наманган вилояти Косонсой тумани “Жар” МФЙда жойлашган хусусий тадбиркор М.Ю.га тегишли қурилиш моллари савдо дўконида ёнғин содир бўлган.

Ўзбекистон Республикаси ИИВ ЁХББ ОАВ билан ҳамкорлик қилиш бўлинмаси хабарига кўра, воқеа жойига етиб борган 3 та ёнғин ўчириш экипажининг тезкор ҳаракатлари натижасида ёнғиндан дўконнинг 100 кв.метр майдони сақлаб қолинган. 

Ёнғинда фуқароларни тан жароҳати олишларига ва ҳалок бўлишларига йўл қўйилмаган. Ҳодиса оқибатида дўкон биносининг 70 кв.метр майдонда томи, шифти ва ичидаги қурилиш моллари ёниб зарарланган. 

Ёнғиннинг келиб чиқиш сабаби ва моддий зарар миқдори аниқланмоқда, дейилади хабарда.

Top