Avtomashina salonidan 17 mln so‘mni o‘g‘irlagan shaxs aniqlanib, qo‘lga olindi

2019 yil 12 aprel kuni Farg‘ona viloyatining Qo‘qon shahrida Bog‘iatirgul ko‘chasida yashovchi M.Sh. IIBga bilan murojaat qilgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

U shu yil 2 aprel kuni o‘zining boshqaruvidagi “Matiz” rusumli avtomashinani A.Navoiy ko‘chasida joylashgan oshxona oldida qarovsiz qoldirgan vaqtida noma'lum shaxs avtomashina eshigini kalit tanlash yo‘li bilan ochib, salonidan 17 mln so‘m pulini o‘g‘irlab ketganligini ma'lum qilgan. 

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Navbahor ko‘chasida yashovchi Z.Z. sodir etganligi aniqlanib, ushlangan. 

Tergov harakatlari davom etmoqda, deyiladi xabarda.