Shu yilning 20 aprel kuni Samarqand viloyati Oqdaryo tumanida yashovchi R.O. mast holda Toshkent shahrining Chilonzor tumanida joylashgan “Olmazor” metro bekati oldida Oqdaryo tumanida yashovchi Ya.J.ga tegishli “Lacetti” rusumli avtomashinasiga yo‘lovchi sifatida o‘tirgan.
O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, shundan so‘ng u haydovchi chalg‘iganligidan foydalanib, avtomashinani olib qochgan.
Ko‘rilgan choralar natijasida R.O. avtomashinani Sirdaryo tumani hududida haydab ketayotganida ushlangan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
