Meksikadagi aviahalokatda bokschi Saul Alvares muxlisi bo‘lgan 14 kishi halok bo‘ldi

Meksikada Bombardier Challenger xususiy samolyoti halokatga uchrashi oqibatida 14 kishi halok bo‘ldi. Qutqaruvchilar samolyot bo‘laklarini topishgan va 14 kishi halok bo‘lganini tasdiqlashgan. Bu haqda Reforma nashri xabar berdi. 

Samolyot Meksikaning Koauila shtatidagi Monklova munitsipaliteti yaqinida topilgan. 11 yo‘lovchi va ekipajning 3 a'zosi halokat qurbonlari bo‘lgan.

Dastlabki ma'lumotlarga ko‘ra, samolyot momaqaldiroqqa tushib qolgan va uchuvchi uni favqulodda qo‘ndirishga harakat qilgan.  

Yo‘lovchilar AQShning Las-Vegasidan meksikalik bokschi Saul Alvares ishtirokida 5 mayga o‘tar kechasi o‘tgan jangdan keyin Nuevo-Leon shtatidagi Monterrey shahriga qaytishayotgan bo‘lgan.