8518.68 USD +5.11

9652.52 EUR +145.42

131.33 RUB +0.92

10847.7 GBP +94.20

23:48 / 12.05.2019 34786

АҚШда С-300 мажмуалари аниқланди. Бунга тушунтириш берилди

Сунъий йўлдошлардан олинган суратларда АҚШдаги ҳарбий полигонда аниқланган С-300ПТ зенит-ракета тизимлари у ерга Украинадан тушган бўлиши мумкин. Шундай фикрни “Национальная оборона” журнали бош муҳаррири Игорь Коротченко билдирди.

АҚШдаги полигонда собиқ иттифоқда ишлаб чиқарилган қуролнинг пайдо бўлгани ҳақида Defence Blog сайти маълум қилган. Сунъий йўлдошлардан олинган суратларда тизим таркибига кирувчи радиолокаторли бошқарув пункти, 30Н6 туридаги нишонга йўналтиргич ва 2 та пуск қурилмаси кўрсатилган. Бироқ суратдаги бу компонентлар ҳақиқийлиги, полигоннинг номи ва жойлашган ўрни номаълум.

Фото: @border9999

Коротченконинг таъкидлашича, Киев Пётр Порошенко президентлиги вақтида Пентагонга собиқ иттифоқда ишлаб чиқарилган ҳарбий техника намуналарини тақдим қилган. “Эҳтимол шу келишув доирасида АҚШга эски С-300 тизимини АҚШ ҳарбийлари томонидан ўрганилиши ва бундай тизимларга қарши усуллар ишлаб чиқилиши мақсадида етказиш бўйича шартнома имзоланган бўлиши мумкин”, деб тахмин қилган Коротченко.

Бироқ мутахассиснинг айтишича, тизимнинг бу модификациясини ўрганиш америкаликларга ҳеч қандай наф бермайди, чунки у аллақачон эскириб бўлган. “Россиянинг С-400 туридаги замонавий техникаси эски “уч юзлар” билан ҳеч қандай умумийликка эга эмас”, деб қўшимча қилган мутахассис.

Маълум қилинишича, С-300 оиласига мансуб тизимлар АҚШга НАТО бўйича бир неча иттифоқдош давлатлар – Болгария ва Словакияда ҳамда Вашингтон билан яқиндан ҳамкорлик қилувчи давлатлар, мисол учун Украинада мавжуд. 

С-300 мажмуалари собиқ иттифоқда 1975 йилдан бошлаб ишлаб чиқарилган.

Теглар

Top