O‘zbekistondan Rossiyaga keluvchilar soni o‘tgan yilning birinchi choragiga nisbatan 15 foizga oshdi

2019 yilning birinchi choragida Rossiyaga 6,4 million nafar xorijlik tashrif buyurdi, deb xabar berdi ATOR.

Rossiyaga eng ko‘p kelganlar ro‘yxatida ukrainaliklar yetakchi - 1,7 million kishi. Bu o‘tgan yilning birinchi choragiga nisbatan 10,4%ga kamdir. Qozog‘istondan 870 ming kishi (o‘sish 2,5%), O‘zbekistondan 635 ming kishi (o‘sish15%), Tojikistondan 689 ming kishi (o‘sish 24,3%) kelgan. 

Yuqori beshlikni Xitoy yakunlab beradi – joriy yilning dastlabki uch oyida Rossiyaga 342 ming nafar xitoyliklar kelgan. Bu o‘tgan yilning shu davriga nisbatan 17%ga ko‘proqni tashkil qiladi.

Rossiyaga keluvchi turistlar orasida ham xitoyliklar yetakchi: yanvar-mart oylarida 163 ming nafar Xitoy fuqarosi Rossiyaga turistik maqsadda kelgan. Keyingi o‘rinlarda Janubiy Koreya va Isroil joylashgan.