Qoʻshimcha funksionallar
-
Tungi ko‘rinish
Tramp sahifasiga mingdan ortiq odamlar AQSh chegarasini buzib o‘tayotganining videosini joyladi
AQSh prezidenti Donald Tramp tvitterdagi sahifasiga mamlakatning Meksika bilan chegarasini bosib o‘tayotgan minglab odamlar tasvirlangan videoni joyladi. Bu video orqali Tramp demokratlar qarshi chiqayotgan Meksika bilan chegarada devor qurish loyihasi naqadar muhimligiga ishora qildi.
«Bugun Chegara xizmati agentlari noqonuniy muhojirlarning tarixdagi eng katta oqimini aniqlashdi: tong soat 4 da 1 036 nafar noqonuniy muhojir El-Pasodagi chegarani (AQShning Meksika bilan chegarasidagi shahar) bosib o‘tdi.
Demokratlar takrorlanmas chegarachilarimizni qo‘llab-quvvatlashlari va chegaradagi teshiklarni to‘ldirishlari kerak»,- deb yozdi Tramp tvitterdagi sahifasida.
Yesterday, Border Patrol agens apprehended the largest group of illegal aliens ever: 1,036 people who illegally crossed the border in El Paso around 4am. Democrats need to stand by our incredible Border Patrol and finally fix the loopholes at our Border! pic.twitter.com/6K1rIUzorM
— Donald J. Trump (@realDonaldTrump) May 30, 2019
Tramp saylov kampaniyasi davridanoq aytib kelayotgan Meksika bilan AQSh o‘rtasidagi devor qurilishi hamon boshlangani yo‘q. Xalq orasida «Tramp devori» deb atalayotgan loyiha boshlanishiga demokratlar to‘sqinlik qilishmoqda.
Tramp joylagan videoda tong soat 03:21 da odamlar to‘dasi chegarani bosib o‘tayotgani ko‘ringan. Aynan El-Paso Meksikadan kelayotgan muhojirlar oqimining asosiy qismi uchun «o‘tish yo‘li» hisoblanadi.
