Istanbulda ayol kishining jasadi gilamga o‘ralgan holda topildi. U O‘zbekiston fuqarosi bo‘lishi mumkin

O‘zbekistonning bosh konsulxonasi bergan ma'lumotga ko‘ra, 2019 yilning 30 may kuni Istanbul shahrining Go‘ztepa mahallasida gilamga o‘ralgan ayol jasadi topilgan. 

TIV xabarida aytilishicha, ayolning shaxsini aniqlab bo‘lmagan. Voqea joyidan ichida 3 nafar O‘zbekiston fuqarolariga tegishli hujjatlar bo‘lgan ayollar qora sumkasi topilgan.

Bosh konsulxona mazkur holat yuzasidan tekshiruv olib borayotgan jinoyat-qidiruv bo‘limi xodimlari bilan aloqalar o‘rnatgan va ularni o‘zbekistonlik hamkasblari bilan hamkorlik o‘rnatishiga yordam beradi.