Muhtaram vatandoshlar, Artel kompaniyasi barchangizni ezgulik va mehr-oqibat, insoniylik va saxovat timsoli bo‘lmish Ramazon Hayiti ayyomi bilan chin dildan qutlaydi. Sizga va yaqinlaringizga uzoq umr, sihat-salomatlik, xonadoningizga fayz va baraka tilaydi. Barcha ezgu niyatlaringiz amalga oshishini, ishlaringiz esa doimo o‘ngidan kelishini tilab qoladi.
Ezgulik qadimiy zamonlardan yurtimiz aholisiga xos xususiyatlardan biri. Ramazon Hayiti esa jamiyatimizning mehr-oqibat, saxovat, odamiylik fazilatlarini mustahkamlovchi tabarruk bayramdir.
Shu kunda jamiyat ahliga e'tibor ko‘rsatish, ko‘makka muhtojlarga yordam qo‘lini cho‘zish, barcha yaqinlar-u qo‘ni-qo‘shnilarga yaxshilik qilish yurtimizning har bir fuqarosi uchun nafaqat muqaddas burch, balki ulkan baxtdir. Ramazon Hayit ayyomi mehr-oqibat fazilatlarini yanada kuchaytiradi, yurtimiz aholisini birlashtiradi va yuksak jamiyat sifatida shakllantiradi.
O‘zbekiston Respublikasi Prezidenti Shavkat Miromonovich Mirziyoyev ta'kidlaganlaridek: “Bu bayramning ma'no-mazmuni bugungi kunda O‘zbekistonda olib borilayotgan siyosatga g‘oyat uyg‘un va hamohang ekanini, o‘ylaymanki, shu saodatli damlarda har birimiz chuqur his etmoqdamiz”.
Haqiqatdan ham, bugungi kunda yosh avlodning ma'naviy va ma'rifiy darajasini yanada oshirish, ularni ezgulik yo‘liga boshlash bo‘yicha keng ko‘lamli ishlar olib borilmoqda. Ushbu yo‘nalishda amalga oshirilayotgan ishlar O‘zbekiston Respublikasi ravnaqiga o‘z hissasini qo‘shishi hech bir shubha uyg‘otmaydi.
Qadrli do‘stlar, Ramazon Hayiti ayyomi barchangizga muborak bo‘lsin.
Artel kompaniyasi sizga baxt-saodat, uyingizga fayz-u baraka tilaydi. Yurtimiz doimo tinch, osmonimiz esa musaffo bo‘lsin!
Reklama huquqi asosida
