Sport | 21:20 / 11.07.2019
4684
2 daqiqa o‘qiladi

O‘zbekistonlik tennischi yigitlar Butunjahon talabalar univerciadasida finalga chiqdi

Italiyaning Neapol shahrida Butunjahon talabalari o‘rtasida o‘tkazilayotgan Univerciada-2019 o‘yinlari davom etmoqda. Musobaqaning juftlik va yakkalik bahslarida ketma-ket zafar quchib kelayotgan tennischi yigitlarimiz Humoyun Sultonov va Sanjar Fayziyev bugun yana bir muhim g‘alabani qo‘lga kiritishdi.

Erkaklar o‘rtasidagi juftlik bahslarining yarim final o‘yinida xitoylik Xao Vu va Shuai Xuga qarshi kortga chiqqan vakillarimiz 7/6 (2), 6/2 hisobida zafar quchib, univerciadaning finaliga yo‘l olishdi.

Musobaqaning juftlik bahslarini ikkinchi davradan boshlagan Humoyun Sultonov va Sanjar Fayziyev dastlabki o‘yinda tailandlik tennischilarni, to‘rtinchi davrda Janubiy Afrika hamda chorak finalda Xitoy Taypeyi vakillarini mag‘lubiyatga uchratishgan edi.

Ertaga, 12 iyul kuni o‘tkazilayotgan final o‘yinida vakillarimiz koreyalik Seochan Hong va Sanhui Shin juftligiga qarshi kortga tushadilar.

Hal qiluvchi bahsda ham yigitlarimizdan g‘alaba kutib qolamiz.

Jismoniy tarbiya va sport vazirligi 
Matbuot xizmati

Азиз Қаршиев
Tayyorlagan Азиз Қаршиев
Kun.uz yangiliklarini Google News'da kuzating
+ Obuna bo'lish

Mavzuga oid