Toshkentda xonadondan 10 000 dollar va 5 000 000 so‘mni o‘g‘irlab ketgan shaxs ushlandi

Shu yil 27 iyun kuni noma'lum shaxs Toshkent shahrining Mirzo Ulug‘bek tumanida vaqtincha yashovchi 42 yoshli I.J. ismli ayolning uyi eshigini buzib kirgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, u xonadan 10 000 AQSh dollari va 5 000 000 so‘m pullarini o‘g‘irlab ketgan. Holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni Shayxontohur tumani Besh lola tor ko‘chasida yashovchi, muqaddam sudlangan 29 yoshli J.Ya. sodir etganligi aniqlanib, ushlangan. 

Tergov harakatlari davom etmoqda, deyiladi xabarda.