BAAda filippinlik shaxs ijtimoiy tarmoqlarda IShIDni targ‘ib qilgani uchun 10 yilga qamaldi

Abu Dabi apellyatsiya sudi Filippin fuqarosini ijtimoiy tarmoqlarda IShID terrorchilik guruhini targ‘ib qilgani uchun o‘n yilga ozodlikdan mahrum qildi. Bu haqda Amirlikning The National nashri xabar bermoqda.

Sudlanuvchi IShIDga qo‘shilish va ijtimoiy tarmoqlarda targ‘ibot uchun yettita sahifa yaratishda aybdor deb topildi - beshtasi Facebook’da, bittasi Twitter’da va yana bittasi Telegram’da. Ularda 30 yoshli oddiy ishchi IShID haqida tashviqot ma'lumotlarini joylashtirib, guruh foydasiga mablag‘ yig‘ishga chaqirgan.

Shuningdek, mahkum 2 million BAA dirhami (545 ming AQSh dollari) miqdorida jarimaga tortildi. Jazoni o‘tab bo‘lgach, u deportatsiya qilinadi.