Erdo‘g‘an o‘z o‘limi haqidagi mish-mishlar ortida Malayziya bosh vaziri bilan uchrashdi

Turkiya prezidenti Rajab Toyyib Erdo‘g‘an Anqaraga kelgan Malayziya bosh vaziri Maxatxir Muhammad bilan muzokaralar o‘tkazdi. Bu haqda Erdo‘g‘an ma'muriyatida ma'lum qilindi.

Avvalroq Turkiyaning hukmron Adolat va taraqqiyot partiyasi rahbari maslahatchisi Yasin Aktay ijtimoiy tarmoqlarda Erdo‘g‘anning o‘lgani haqida tarqalgan mish-mishlarni rad etgan.

“Turkiya prezidenti Rajab Toyyib Erdo‘g‘an Esenbog‘a aeroportida Anqaraga rasmiy tashrif bilan kelgan Malayziya bosh vaziri Maxatxir Muhammadni kutib oldi”, deyilgan xabarda.

Shuningdek, ikki yetakchi uchrashuvidan suratlar e'lon qilingan.