Toshkent hokimligi: tadbirkorlarni mustaqillikning 28 yilligi yozuvi tushirilgan yorliqlarni xarid qilishga majbur etayotgan shaxslar bizga aloqador emas

Ijtimoiy tarmoqlarda o‘zini Toshkent shahar hokimligi vakillari sifatida tanishtirib, tadbirkorlarni O‘zbekiston Respublikasi mustaqilligining 28 yilligi yozuvi tushirilgan bayramona yorliqlarni xarid qilishga majbur etayotgan kishilar haqida ma'lumotlar tarqaldi. 

Toshkent shahar hokimligi ushbu ma'lumotlar yuzasidan maxsus xabar bilan chiqdi. Qayd etilishicha, bu ishning hokimlikka aloqasi yo‘q.

“Ogoh bo‘ling! Barchangizni bu ishning hokimlikka aloqasi yo‘qligi, firibgarlik ekanligi haqida ogohlantirib, ayyorlik yo‘li bilan pul ishlayotgan bunday kishilar ta'siriga tushib qolmaslikka chaqiramiz”, - deyiladi hokimlik xabarida.