Farg‘onadagi futbol maydonida yuz bergan o‘zaro janjal 18 yoshli yigitning o‘limi bilan tugadi

Farg‘ona tumanidagi futbol maydonida yuz bergan o‘zaro janjal bir kishining o‘limi bilan tugadi, deb xabar qilmoqda O‘zbekiston Respublikasi IIV Jamoatchilik va OAV bilan aloqalar boshqarmasi.

Qayd etilishicha, ushbu tumanda 2019 yil 7 avgust kuni Yoshlarobod ko‘chasida yashovchi 26 yoshli A.G‘. Sado ko‘chasida joylashgan futbol maydonchasida o‘zaro janjal oqibatida tanishi Oqbilol ko‘chasida yashagan 18 yoshli I.U.ning yuziga qo‘llari bilan urgan vaqtida, I.U. boshi bilan yerga yiqilib tushgan.

Xabarda aytilishicha, natijada I.U. jarohat olib kasalxonaga keltirilganida vafot etgan. A.G‘. ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.