Ukraina Rossiyaning yonilg‘i tashuvchi tankerini hibsga oldi

Xerson apellyatsiya sudi Rossiyaning Qora dengiz floti bo‘linmalari uchun yonilg‘i tashuvchi "Mriya" (Mriya) kemasini hibsga oldi.

Sud Xerson shahar sudining kemani hibsga olishni rad etgani uchun Kiyevdagi Qrim avtonom respublikasi prokuraturasining bergan apellyatsiyasini qanoatlantirdi.  

10 avgust kuni Ukraina xavfsizlik xizmati vakillari Mriya kemasida tintuv o‘tkazgandi.  

Prokuraturaning ma'lumot berishicha, ushbu kema 2015 yil iyunda "Vilga"/Vilga nomi ostida Rossiyaning Qora dengiz floti uchun yonilg‘i tashigan.

Ukraina xavfsizlik xizmati xodimlari 25 iyul kuni Izmail portida Rossiyaning Nika Spirit tankerini ushlagandi. Kiyevning ta'kidlashicha, tanker ilgari Neyma deb nomlangan va Kerch bo‘g‘ozida Ukraina kemalari yo‘lini to‘sishda ishtirok etgan.