«Katta yettilik» rahbarlari Rossiyani o‘z saflariga qaytarishni rad etishdi

«Katta yettilik» sammiti yetakchilari Rossiyaning unga qaytarilishini rad etishdi. Bu haqda AFP xabar berdi. 

Shu bilan birga, agentlik manbasining aytishicha, G7 rahbarlari Rossiya bilan hamkorlikni kuchaytirishmoqchi. Yetti davlat rahbarlari ana shunday xulosaga kelishgan.

Avvalroq AQSh prezidenti Donald Tramp «Katta yettilik»ning navbatdagi sammitiga Rossiya prezidenti Vladimir Putin taklif etilishi mumkinligini aytgandi. 

G8 shaklidagi sammit 2014 yilda Qrimning Rossiyaga qo‘shib olinishidan so‘ng mavjudligini yo‘qotgandi. O‘shanda «sakkizlik»ka a'zo davlatlar Rossiyaning harakatlaridan norozi bo‘lgan va Bryusselda «yettilik» — G7 (Fransiya, Buyuk Britaniya, AQSh, Germaniya, Yaponiya, Italiya va Kanada) sammiti bo‘lib o‘tgandi.