Toshkentdagi yo‘llardan birida harakat vaqtinchalik bir tomonlama bo‘ldi
Joriy yilda Toshkent shahridagi 110-son maktab binosida ta'mirlash ishlari olib borilayotganligi sababli, maktab o‘quvchilarining darslari vaqtinchalik P.F. Borovskiy nomidagi eski tibbiyot kolleji binosida o‘tkazilmoqda.
IIBB xabariga ko‘ra, ushbu kichikroq ko‘chadan (Borovskiy ko‘chasi), shuningdek shifoxona, banklardan birining filiali, “Miran” mehmonxonasi va boshqa ofislar joy olishgan. Ko‘chada ko‘plab transportlar harakatlanishadi, endi ushbu ko‘chada bolalar soni sezilarli tarzda oshadi.
Maktab o‘quvchilarining ota-onalaridan kelib tushgan murojaat bo‘yicha Toshkent shahar IIBB YHXB xodimlari o‘quvchilar ishtirokidagi hodisalarning oldini olishga qaratilgan choralar ko‘rishdi.
Xavfsizlik chorasi sifatida ko‘chaning ushbu hududida avtomobillar harakati vaqtinchalik bir tomonlama bo‘lishiga qaror qilindi: Shahrisabz ko‘chasidan Sodiq Azimov ko‘chasi tomon harakat ochiq bo‘ladi. Qarama-qarshi tomondan ko‘chaning mazkur qismi 3.1 “Kirish taqiqlangan” belgisi bilan berkitildi. Shuningdek Sodiq Azimov ko‘chasidan Borovskiy ko‘chasiga burilish yaqinida 4.1.1 “Harakatlanish to‘g‘riga” yo‘l belgisi ham o‘rnatildi.
“Hurmatli haydovchilar! Sizdan ushbu faktni yodda saqlashingizni hamda yo‘l belgilariga e'tiborliroq bo‘lib, qoidalarga amal qilishingizni so‘raymiz”, - deyiladi xabarda.
Mavzuga oid
18:36 / 26.09.2024
Toshkentda 63 yoshli erkak avtobusda vafot etdi
17:45 / 25.09.2024
2030 yildan Toshkent shahri va uning atrofida mazutdan foydalanish taqiqlanadi
17:30 / 25.09.2024
Toshkentda Red Bull BC One saralash o‘yinlari bo‘lib o‘tdi
16:56 / 25.09.2024