Elektrobus Toshkent ko‘chalari bo‘ylab ilk reysini amalga oshirdi
Belarusdan keltirilgan elektrobus 7 sentyabrda Toshkent ko‘chalari bo‘ylab ilk reysini amalga oshirdi. Ekologik toza transport vositasining birinchi yo‘lovchilari hokimlik va OAV vakillari bo‘lishdi.
Yangi transport turi yo‘lovchilarni keyingi haftadan tashiy boshlaydi.
“Belkommunmash”ning Ye420 Vitovt Electro elektrobusi atrofga zararli chiqindilar chiqarmasligi, shovqinsizligi va sof energiya manbasini qo‘llashi bilan ajralib turadi. “Yashil transport” maxsus batareyalardan quvvatlanadi.
Batareyalarni so‘nggi bekatlarda 6-8 daqiqa davomida quvvatlash mumkin. To‘plangan energiya 20-25 km yo‘lni bosib o‘tishga yetadi.
Elektrobus 41-yo‘nalish bo‘yicha sinov rejimida qatnay boshlaydi. Bu yo‘nalish bejizga tanlanmagan, chunki u eng qisqa yo‘nalishlardan biri hisoblanadi.
90 yo‘lovchiga mo‘ljallangan avtobus sinov vaqtida o‘zini yaxshi namoyon qilib, yo‘lovchilarga ma'qul kelsa boshqa yo‘nalishlarga ham chiqariladi. Hozircha yangi texnika issiq havo sharoitida o‘zini qanday tutishi noma'lum. Shuningdek, uning yo‘lovchilar salomatligiga ta'siri ham o‘rganiladi.
Mavzuga oid
18:36 / 26.09.2024
Toshkentda 63 yoshli erkak avtobusda vafot etdi
17:45 / 25.09.2024
2030 yildan Toshkent shahri va uning atrofida mazutdan foydalanish taqiqlanadi
17:30 / 25.09.2024
Toshkentda Red Bull BC One saralash o‘yinlari bo‘lib o‘tdi
16:56 / 25.09.2024